Presidenti Bajram Begaj ka dekoruar ditën e sotme artistin e mirënjohur Sokol Marsi me titullin “Mjeshtër i Madh”.
Begaj dekoroi me titullin “Mjeshtër i Madh” autorin e shumë teksteve të njohura, Sokol Marsi me motivacionin: “Me mirënjohje për kontributin artistik dhe vlerat e çmuara si kompozitor, producent muzikor dhe tekstshkrues i shumë këngëve të muzikës së lehtë, popullore dhe për fëmijë. Në vlerësim të përkushtimit si artist dhe një nga autorët më të spikatur në skenën artistike, si brenda dhe jashtë vendit”.
Gjatë fjalës së tij presidenti tha se është kënaqësi e veçantë për të shpërblyer këto figura me vlerë të vendit tonë, të cilët me punën e tyre i kanë shërbyer skenës akrtistike dhe kulturore të vendit, duke lartësuar emrin e Shqipërisë kudo në botë.
“Është gjithmonë kënaqësi e veçantë për mua kur mblidhemi për të dekoruar ata shqiptarë që me punën e tyre, i shërbejnë skenës artistike e kulturore të vendit, e që lartësojnë emrin e Shqipërisë kudo në botë! Emri i Sokol Marsit është një prej tyre!, tha Begaj.
