Barcelona është kualifikuar për në finalen e Superkupës së Spanjës, pasi mundi me penallti Betisin.
Koha e rregullt përfundoi me rezultatin 1-1, kurse shtesë skuadrat shënuan nga një gol, duke e vendosur fatin e sfidës nga pika e bardhë e penalltisë.
Goli i parë erdhi në minutën e 40-të, kur Roberto Lewandowksi shënoi për 1-0 nga afër dhe në minutën e 77-të u barazuan shifrat, kur Nabil Fekir përfitoi nga një rënie e mbrojtjes së Barcelonës për të shënuar për 1-1.
⚽️Gooooool ¡Lewandowski!
Real Betis 0️⃣-1️⃣ FC Barcelona #FCBarcelona 🔵🔴
https://t.co/YjasIeAjDG— Blaugrana gt (@Blaugrana_gt) January 12, 2023
Në fillimin e shtesës, Ansu Fati do i sillte fat Barçës me golin e tij. Gjithsesi, mbrëmja nuk kishte përfunduar ende për Moron që vendosi ekuilibrat në 2-2. Nga penalltitë, më e saktë u tregua Barcelona ose më sakt Ter Stegen, i cili arriti të presë dy penallti.
Barcelona shkon në finale aty ku do të përballet me Real Madrid.
