Ndeshja e ditës Napoli-Juve dhe finalja e Superkupës së Spanjës mes Real Madrid dhe Barcelonës, kanë pushtuar faqet e para të mediave sportive në ditën e sotme.
Ndjekim disa nga titujt kryesorë:
Prestigjiozja Marca e hap ditën me titullin: “Superclásico në finale”. Barcelona mposht Betisn me penallti. Ter Stegen vendimtar gjatë lojës dhe në penallti.
“Hero!” është titulli i katalanases Sport. Ter Stegen për dy penallti dhe dërgon Barçën në finalen e Superkupës, aty ku do të ketë përballë Realin.
“Ia vlen gjithçka”, kështu hapet Corriere dello Sport, me ndeshjen e madhe të Napolit ndaj Juventusit. Një tjetër përballje mes dy trajnerëve: Luciano në fushë me ekipin tipik, kurse Max tundohet nga një 3-5-1-1 me Di Maria dhe Milik.
Tuttosport hapet me titullin: “Milik kërkon Pipitan”. Tek Napoli përfundoi 5 muaj jashtë skuadrës, tani Milik është i etur për hakmarrje. Shembulli i Higuainit, i cili shënoi 5 gola për ish-klubin e tij bardhezi.
“Arti i Italisë” shkruan La Gazzeta dello Sport. Napoli-Juventus në orën 20:45, ndeshje direkte për Scudetto.
