Big Brother VIP Albania është kryeqendra e lajmeve mediatike. Reality Show kryeson nivelet e shikueshmërisë dhe vëmendja më e madhe duket se është për banorin, Luiz Ejlli.
Shkodrani është më i përfoluri, si brenda ashtu edhe jashtë shtëpisë teksa historia e tij ka mbërthyer të gjithë shqiptarët. Mbështetja është e madhe për të edhe nga bota e sportit. Kapiteni i Kastriotit, Karakaçi, ndau një foto në rrjetin e tij social teksa kishte dërguar plot pesë vota në mbështetje të Luizit.
Suporti për shkodranin nuk kishte si të mungonte nga ekipi i Vllaznisë teksa kapiteni i ekipit Gurishta së bashku me dy shkodranët e tjerë, Herald Marku dhe Dajan Shehi, të cilëve i është bashkuar edhe vlonjati Ardit Hoxhaj, kanë shfaqur mbështjetjen e tyre në rrjete sociale me hashtagun #MeLuzin.
