Superkupa e Italisë mes Interit dhe Milanit pushton faqet e para të mediave sportive në ditën e sotme.
Ndjekim disa nga titujt kryesorë:
“Derbi i nxehtë” është hapja e La Gazzetta dello Sport në lidhje me Superkupën e Italisë, e cila do të zhvillohet sonte në orën 20:00 në Riad. Milan-Inter në Arabinë Saudite për të ngritur trofeun e parë që mund të rifillojë sezonin.
Corriere dello Sport shkruan: “Playoff Arabia”, me derbin e Milanos që këtë here do të zhvillohet në Arabinë Saudite.
“Juve-Rabiot, dëshmi e mirëkuptimit”, është titulli që hap edicionin e sotëm të Tuttosport. Nëna-agjent i francezit në Continassa për takim me Cherubinin. Në sfond rinovimi i kontratës.
Në Spanjë, Sport hapet me titullin: “Ultimatum për Memphisin”. Barça kërkon nga Atlético një transferim ose një shkëmbim me Yannick Carrascon. Holandezi ka arritur marrëveshje me Colchoneros dhe agjenti i belgut konfirmon seai dëshiron të vishet si blaugrana.
“Ju nuk mund të dështoni në këtë” shkruan prestigjiozja Marca. Gabimi i qartë dhe i dukshëm i VAR-it zemëron Cádiz, i cili kërkon të anulojë golin dhe të rifillojë lojën në 81′.
