Një pronar i një galerie arti është arrestuar pas një videoje virale të tij duke lagur me zorrë uji një grua të pastrehë të ulur në trotuar.
Collier Gwin, pronari i Galerisë Foster Gwin në San Francisco, pretendoi se gruaja e pastrehë ishte “e dhunshme”.
Burri u filmua i mbështetur në portën e një restoranti lokal duke lagur një grua të pastrehë të ulur përballë tij në trotuar.
E pastreha e bezdisur nga veprimi po bërtiste dhe i bëri shenjë disa herë të ndalonte. Pasi e lagu për disa sekonda, Gwin iu afrua më shumë, tregoi me gisht nga rruga dhe i tha: “Lëviz! Lëviz! Lëviz! Në rregull?”
Videoja mori miliona shikime dhe nxiti zemërim për veprimet e Gwin-it në rrjet. Kjo gjë tërhoqi vëmendjen e policisë së San Franciscos, duke arrestuar agresorin. Ende nuk është marrë një masë dënimi e caktuar, por pritet që autori të gjobitet me 2000 dollarë si dhe të vuajë dënimin në burg me 6 muaj.
