Elion Shala, vetëm 15-vjeç dhe sapo kishte nisur në karrierën në rrugën e sportit, është i mituri shqiptar që humbi jetën në aksidentin e rëndë të ndodhur në Chiari, Brescia.
Vdekja tragjike e Elion Shalës, i cili u godit nga treni teksa tentonte të kalonte shinat për të arritur në dalje të stacionit të Chiarit, tronditi miqtë dhe të afërmit.
Lojtari shumë i ri i Klubit të Futbollit Chiari jetonte me familjen e tij, madje jo shumë larg stacionit hekurudhor. Vdekja e djalit u përjetua keq nga i gjithë komuniteti i Chiarit ku pesëmbëdhjetëvjeçari studionte, luante futboll dhe kishte shumë miq.
Dinamika e ngjarjes së rëndë
Sipas asaj që u rindërtua nga hetuesit, 15-vjeçari shqiptar sapo kishte zbritur nga treni së bashku me disa shokë, por ndërsa ata nuk vendosën të përdorin nënkalim, por vendosën të kalonin mbi shinat. Elion do të përpiqej t’i kalonte i pari.
Pakujdesia ishte fatale, në atë moment një tren me destinacion Milano po kalonte nëpër stacion dhe djali nuk e vuri re. Goditja ishte jashtëzakonisht e fortë qa sa dhe e hodhi pesëmbëdhjetë vjeçarin dhjetë metra larg, duke e vrarë me siguri në çast.
Me gjithë ndërhyrjen e shpejtë të ekipeve të shpëtimit, djali nuk ia doli, çdo përpjekje në ndihmën e parë ishte e kotë, pasi plagë te marra i sollën vdekjen e menjëhershme.
