Sot është Dita Ndërkombëtare e Arsimit. Përballë sfidës së madhe dhe alarmit të dhënë nga gjuhëtarët se gjuha shqipe është në rrezik, Ministria e Arsimit ka marrë një nismë që ka si qëllim ruajtjen saj dhe kalimin e gjuhës shqipe brez pas brezi.
Ministria njofton se do të zhvillohet një konkurs i gjuhës shqipe mes klasave të nënta në të gjitha shkollat e vendit. Ministrja e Arsimit, Evis Kushi thotë se përmes këtij konkursi do të rikthehet vëmendja e të rinjve tek gjuha shqipe dhe nevoja për ruajtjen e saj.
“Dita ndërkombëtare e Arsimit, një ditë që duhet të ndërgjegjësojë të gjithë shoqërinë se arsimi është vlerë, është fuqi, por është edhe mirëqenie. Nëse kërkojmë sukses dhe progres atë nuk mund ta arrijmë pa një arsim cilësor. Nom tij një qytetar bëhet me kritik, rrit mundësitë e punësimit dhe përmirëson cilësinë e jetës për vetën dhe familjen. Në ditën ndërkombëtare të arsimit dua t’iu prezantoj me nismën më të re që lidhet me prioritetin e ruajtjes dhe forcimit të gjuhës shqipe. Në këtë kuadër kemi shpallur konkursin kombëtar të gjuhës shqipe mes klasave të nënta nga të gjitha shkollat dhe qytetet e vendit. Konkursi do të zhvillohet në dy faza, e para në nivel zyrash arsimore dhe e dyta në nivel kombëtar. Zhvillimi i fazës së dytë të kursit do të transmetohet në RTSH deri në muajin maj, në 13 episode dhe një finale të madhe. Në këtë mënyrë ne do të mund të kthejmë vëmendjen e nxënësve dhe të rinjve, jo vetëm tek standardet e gjuhës shqipe duke vlerësuar veçantinë e saj si edhe nevojën ruajtjen dhe forcimin brez pas brezi. Të dashur nxënës, studentë, mësues, pedagogë, arsimi është një mision i shenjtë ku duhet ët angazhohemi të gjithë bashkë. Ne nuk mund t’ia dalim të vetëm, por bashkë me ju ne mund të ecim drejt zhvillimit dhe të bëjmë të pamundurën për të ardhmen tonë. Gëzuar Ditën Ndërkombëtare të Arsimit.
Konkursi do të jetë i organizuar me katër grupeve të cilët do konkurrojnë mes tyre. Formati i konkursit do të jetë me pyetje që do t’iu drejtohen katër grupeve, pyetje të hartuara nga Agjencia e Sigurimit të Cilësisë së Arsimit Parauniversitar (ASCAP) dhe UNICEF. Faza e parë e konkursit do të mbahet më 31 janar.
Më pas, Zyrat Vendore Arsimor do të zgjedhin 54 shkollat më të mira, të cilat do konkurrojnë sërish mes tyre dhe në fazën përfundimtare do të përballen 4 skuadra nga 4 DRAP-et, Lezhë, Durrës, Korçë dhe Fier.
Zhvillimi i fazës së dytë të kursit do të transmetohet në RTSH deri në muajin maj, në 13 episode dhe një finale të madhe. Vlerësimet për grupet konkurruese do të bëhen me juri, 1 pedagog i fushës gjuhë shqipe-letërsi, 1 përfaqësues nga Ministria e Arsimit dhe 1 përfaqësues nga UNICEF.
