Trupi i Valentina Trespalacios, 23 vjeç, u gjet brenda bagazhit në Fontibon, Bogota, më 22 janar. Policia beson se ajo u mbyt pasi një autopsi gjeti shenja të thella në qafën e saj, të cilat mund të ishin shkaktuar nga mbytja. I dyshuari kryesor është i dashuri i Valentinës, 35-vjeçari amerikan John Poulos.
Ai është zhdukur që kur policët bënë zbulimin tronditës dhe ai gjithashtu ka fshirë llogaritë e tij në rrjetet sociale. I riu kishte qenë në lidhje me DJ-në e njohur, e cila ka pothuajse 16,000 ndjekës në Instagram. Sipas mediave të huaja, trupi i saj u zbulua kur një burrë vuri re valixhen në një kosh.
Por kur e hapi, u tmerrua kur gjeti trupin e të resë të palosur brenda dhe thirri policinë. Gjatë këqyrjes së vendit të ngjarjes, hetuesit gjetën pranë trupit të saj sende personale që i përkisnin DJ, përfshirë edhe një ID studentore të lëshuar nga Universiteti Uninpahu, ku Valentina thuhet se po studionte tregtinë dhe teknologjinë globale të biznesit.
Rezultatet e autopsisë treguan se ajo kishte një “vijë presioni në rajonin hyoid” por nuk kishte shenja të tjera të dukshme dhune.
Nënkoloneli i policisë Camilo Torres tha për mediat lokale: Po punohet me kamerat e sigurisë në zonë për identifikimin e autorëve të dyshuar.
Sipas raportimeve, Valentina kishte shkuar në një festë me Poulos. Dyshohet se amerikani kishte udhëtuar nga shtëpia e tij në kryeqytetin kolumbian për t’i propozuar për martesë. Policia tani po përpiqet të konfirmojë nëse ai është larguar nga vendi.
