Prestigjozja britanike ‘The Sun’ ka ngritur alarmin lidhur me promovimin e kalimit të emigrantëve drejt kanalit të La Manshit për në Angli. Sipas gazetës reklamimet në Tik Tok nga kontrabandistët shqiptarë gjatë muajit janar, kanë bërë që një numër rekord personash të kalojnë drejt Anglisë, ku vetëm të dielën, mbërritën me 10 varka 442 persona.
Sekretarja e Kulturës Michelle Donelan tha se legjislacioni i ri do të ndalonte reklamat për kalimet e paligjshme të emigrantëve në faqet e internetit. Në një reklamë të shpërndarë nga shqiptarët shkruhej: Ata kthejnë 50 ne do të ikim 500.
“Na kontaktoni për nisjen e radhës”, thuhej në një tjetër reklamë.
Një tjetër mburrej: “Askush nuk do të të kthejë.”
“Do të mbajnë vetëm një javë në qendrën e paraburgimit.” “Ne kemi një super çmim prej 4500 paund.” “Pagesa në mbërritje.”
Deputeti i Workington, Mark Jenkinson tha: Këto reklama të sëmura që vërshojnë në TikTok sjellin një kuptim krejtësisht të ri për kalimet gjatë janarit.
