Ministri i Brendshëm, Bledi Çuçi, ka reaguar lidhur megaoperacionin të zhvilluar mes autoriteteve italiane në bashkëpunim me SPAK, policinë europiane Eurojust dhe Interpol, për goditjen e një rrjeti të trafikut të drogës nga Shqipëria në Itali.
Përmes një postimi në “Facebook” Çuçi ka përgëzuar oficerët e përfshirë gjatë këtij operacioni, teksa më tej thekson se çmontimi i kësaj bande është një tjetër sukses i punës së Skuadrave të Përbashkëta Hetimore Shqipëri-Itali.
Ministri shton se vetëm gjatë dy viteve të fundit policitë e dy vendeve janë përfshirë në 𝟱𝟮 𝗦𝗸𝘂𝗮𝗱𝗿𝗮 𝘁𝗲̈ 𝗣𝗲̈𝗿𝗯𝗮𝘀𝗵𝗸𝗲̈𝘁𝗮 𝗛𝗲𝘁𝗶𝗺𝗼𝗿𝗲, 𝗻𝗷𝗲̈ 𝗻𝘂𝗺𝗲̈𝗿 𝗿𝗲𝗸𝗼𝗿𝗱 𝗽𝗼 𝘁𝗮 𝗸𝗿𝗮𝗵𝗮𝘀𝗼𝗷𝗺𝗲̈ 𝗺𝗲 𝘃𝗲𝗻𝗱𝗲𝘁 𝗲 𝘁𝗷𝗲𝗿𝗮 𝗲𝘂𝗿𝗼𝗽𝗶𝗮𝗻𝗲.
Sipas Çuçit ky fakt dëshmon edhe njëherë besimin e lartë që ka sot Policia e Shtetit në sytë e partnerëve ndërkombëtarë dhe vendosmërinë për të goditur krimin
“Finalizimi i operacionit për goditjen e një grupi kriminal në fushën e narkotikëve që çoi në arrestimin dhe procedimin e dhjetëra personave brenda e jashtë vendit, është 𝗻𝗷𝗲̈ 𝘁𝗷𝗲𝘁𝗲̈𝗿 𝘀𝘂𝗸𝘀𝗲𝘀 𝗶 𝗽𝘂𝗻𝗲̈𝘀 𝘀𝗲̈ 𝗦𝗸𝘂𝗮𝗱𝗿𝗮𝘃𝗲 𝘁𝗲̈ 𝗣𝗲̈𝗿𝗯𝗮𝘀𝗵𝗸𝗲̈𝘁𝗮 𝗛𝗲𝘁𝗶𝗺𝗼𝗿𝗲 𝗦𝗵𝗾𝗶𝗽𝗲̈𝗿𝗶-𝗜𝘁𝗮𝗹𝗶.
Një punë e kryer mirë e me profesionalizëm të lartë në çdo hallkë. Vetëm në dy vitet e fundit policitë tona janë përfshirë në 𝟱𝟮 𝗦𝗸𝘂𝗮𝗱𝗿𝗮 𝘁𝗲̈ 𝗣𝗲̈𝗿𝗯𝗮𝘀𝗵𝗸𝗲̈𝘁𝗮 𝗛𝗲𝘁𝗶𝗺𝗼𝗿𝗲, 𝗻𝗷𝗲̈ 𝗻𝘂𝗺𝗲̈𝗿 𝗿𝗲𝗸𝗼𝗿𝗱 𝗽𝗼 𝘁𝗮 𝗸𝗿𝗮𝗵𝗮𝘀𝗼𝗷𝗺𝗲̈ 𝗺𝗲 𝘃𝗲𝗻𝗱𝗲𝘁 𝗲 𝘁𝗷𝗲𝗿𝗮 𝗲𝘂𝗿𝗼𝗽𝗶𝗮𝗻𝗲.
Kjo dëshmon besimin e lartë që ka sot Policia e Shtetit në sytë e partnerëve ndërkombëtarë dhe vendosmërinë tonë për të goditur krimin. Përgëzime për Policinë e Shtetit, veçanërisht për efektivët që morën pjesë në këtë operacion, SPAK, Policinë dhe Prokurorinë italiane”, shkruan Çuçi.
30 persona janë arrestuar gjatë një megaoperacioni të autoriteteve italiane në bashkëpunim me SPAK, policinë europiane Eurojust dhe Interpol, për goditjen e një rrjeti të trafikut të drogës nga Shqipëria në Itali.
Hetimet për goditjen e këtij kgrupi kriminal nisën nga Eurojust dhe Europol në vitin 2019. Eurojust organizoi dy takime koordinuese, gjatë të cilave përfaqësues të autoriteteve të përfshira u mblodhën së bashku për të diskutuar rastin, për të shkëmbyer informacione dhe për të rënë dakord për hapat e mëtejshëm.
