Barcelona siguron një tjetër fitore minimale. Skuadra katalanase triumfoi 0-1 në Girona, duke arritur për herë të tretë radhazi në kampionatin spanjoll fitoren me këtë rezultat.
Pedri shënoi golin vendimtar për Barçën në minutën e 61’. Presingu i djemve të Xavit në zonën kundërshtare, dha efekt dhe 20-vjeçari dërgoi topin në rrjetë, duke gjetur golin e pestë sezonal në La Liga.
Barcelona është ngjitur në kuotën e 47 pikëve, gjashtë me tepër se kampionët e Realit të Madridit, që të dielën presin Real Sociedad në “Santiago Bernabeu”.
