Luiz Ejlli, banori ‘fenomen’ i Big Brother Vip, është kthyer në një nga personazhet më të ndjekura dhe më të komentuara të momentit.
Në një kohë shumë të shkurtë, Luizi ka fituar dashurinë e publikut ku vetëm në TikTok emri i tij ka miliona klikime.
Por përveçse një personazh i ndjekur, Luizi është kthyer edhe në një ‘model’ për shumë të rinj që mundohen ta kopjojnë.
Ndikimi i Luizit shkon deri aty sa djemtë ka nisur të frymëzohen nga stili i tij dhe të ndryshojnë ‘look-un’ e tyre, për t’i ngjarë Luizit.
Pak ditë më parë në rrjetet sociale qarkullonte video e një të riu, i cili kish vendosur të ndryshonte dhe stilin e flokëve duke i lyer si Luizi.
Ndërsa nuk kanë munguar dhe këngët kushtuar shkodranit.
Këtu mund të përmendim këngën e Besar Mulaj, me titullin “Ty Luiz të do e gjithë Shqipëria”, e cila tashmë numëron mbi 93 mijë klikime.
Po ashtu nuk kanë munguar dhe dronët nga qytetarët mbi shtëpinë e “Vëllait të Madh”.
Për të mos folur pastaj për rrugët dhe lokalet e zbrazura të kryeqytetit ccdo të mart dhe të shtunë të Big Brothet Prime.
Por çmenduria për Luizin duket se ka të sosur. Posterat në mbështetje të tij, i gjen edhe në dyqanet që jepen me qira. Jemi me Luanin, krahas një rental car, është panorama tjetër, që ka arritur të krijojë “ Luiz Mania”.
