Një ngjarje e rëndëështë shënuar pasditen e sotme në Fushë-Krujë. Një banesë ku jetonte një 92- vjeçar është përfshirë nga flakët, e për pasojë i moshuari ka humbur jetën.
Ngjarja ka ndodhur rreth orës 13:30 në lagjen ‘Punëtori’, ku si pasojë e rrjedhjes së gazit nga një furnelë ka rënë zjarr në banesën e të moshuarit, ku ky i fundit nuk ka mundur të shpëtojë dhe ka ndërruar jetë nga asfiksia.
‘Fushë Krujë/Informacion paraprak- Rreth orës 13:30, në lagjen “Punëtori”, dyshohet se për shkak të rrjedhjes së gazit nga një furnelë, ka rënë zjarr në banesën e shtetasit H. A., 92 vjeç, i cili për pasojë, ka humbur jetën’, njofton policia.
Grupi hetimor vijon punën për zbardhjen e plotë të rrethanave të kësaj ngjarjeje.
