Ish-deputeti Kujtim Gjuzi prej disa ditësh ka hapur një “fushatë” zyrtare në mbështetje të Olta Gixharit për të fituar Big Brother Vip.
Fansi i zjarrtë i aktores u bënte thirrje të gjithëve për të mbështetur “Helenën e Trojës” e cila sipas tij është pro Europës dhe pro amerikane.
Kur të gjithë mendonin se vëmendja e kryetarit të Partisë Kombëtare Konservatore do fokusohej plotësisht tek protesta e sotme, Gjuzi ka menduar sërish të rikujtojë ndjekësit e tij për “betejën” e Oltës brenda dhe jashtë shtëpisë së Big Brother Vip.
Në një postim të fundit në rrjetet sociale, Gjuzi u bën thirrje konservatorëve për suport të “Mretneshës” Olta Gixhari, si dhe akuzon gjithë njerëzit që i kanë dalë kundër aktores.
Në shkrimin e tij, ai sulmon Arben Derhemin për braktisjen e kauzës së Teatrit Kombëtar dhe Hervin Çulin si përgjegjës të shembjes së monumentit kulturor. Megjithatë, Gjuzi nuk ka humbur kohë dhe është rikthyer përseri te tema e nxehtë e Big Brother duke analizuar lojën e dobët të Bled Manes deri më tani. “Bled, ske b*the ti të puthesh mretnesha e princesha”, shprehet në postimin e tij.
Duket se kështu do të shkojë dhe kjo ditë e sotme për kreun e konservatorëve, prezent fizikisht në protestë por me mendje nga Olta Gixhari në spektaklin e sotëm të Big Brother.
