Shkencëtarët po krijojnë një trajtim të ri të kancerit me anë të dritës LED

113 563 lexime

124,178FansaPëlqeje

Një ekip shkencor britanik është një hap më afër krijimit të një trajtimi të ri të kancerit me anë të dritës.

Ky trajtim futuristik parashikon administrimin e një ilaçi të veçantë me antitrupa që do të aktivizohen nga drita. Studiuesit në Universitetin e Anglisë Lindore (UEA) kanë krijuar fragmente të antitrupave që luftojnë kancerin që shkrihen me objektivin e tyre dhe aktivizohen nga drita.

Më pas, dritat e vogla LED do të vendosen në lëkurë ose do të implantohen aty ku është tumori. Kështu, antitrupat do të aktivizohen nga drita për të sulmuar qelizat e kancerit.

Shkencëtarët besojnë se terapitë specifike të dritës do të jenë më të synuara dhe më efektive sesa trajtimet konvencionale të kancerit.

Si punon

Drejtuesi i kërkimit përkatës dr. Amit Sachdeva, raporton se kërkesa është rritur për trajtime të reja precize të kancerit që nuk kanë efekte anësore.

“Trajtimet aktuale të kancerit, si kimioterapia, vrasin qelizat e kancerit, por ato gjithashtu mund të dëmtojnë qelizat e shëndetshme në trup. Pra, ne kemi efekte anësore si rënia e flokëve, të vjella dhe ndjenja e lodhjes, ndërkohë që pacientët përballen me një rrezik më të madh të sëmundjes”, vëren ai.

Duke shpjeguar se si funksionon trajtimi që po zhvillon ekipi i tij, ai tregon se “antitrupat aktivizohen në vendin e tumorit dhe ngjiten në objektivin e tyre duke u aktivizuar nga drita. Ju mund të nxisni antitrupat për të sulmuar qelizat e kancerit me dritë, qoftë në mënyrë direkte në lëkurë, në rastin e kancerit të lëkurës, ose duke përdorur drita të vogla LED që janë të vendosura aty ku tumori është brenda trupit.”

Lexo edhe :  Maduro: Mafia shqiptare po përpiqet të dëmtojë zgjedhjet në Venezuelë

“Vetëm qelizat afër tumorit do të aktivizohen, qelizat e tjera nuk do të preken. Kështu, është e mundur të reduktohen efektet anësore për pacientët dhe të përmirësohet koha e veprimit të antitrupave kur janë të pranishëm në trup.”

Studiuesit theksojnë, se ky trajtim do të jetë efektiv për kancerin e lëkurës ose tumoret e ngurta, por jo për kanceret e gjakut si leucemia.

Nëse kërkimet e suksesshme vazhdojnë, shkencëtarët besojnë se brezi i ri i trajtimeve të kancerit mund të përdoret te pacientët brenda pesë deri në dhjetë vitet e ardhshme.

Studimi përkatës, është i financuar nga Këshilli Kërkimor i Bioteknologjisë dhe Shkencave Biologjike të Mbretërisë së Bashkuar dhe Wellcome Trust, ky projekt është publikuar në Nature Chemical Biology.

Të fundit

Artan Shkeli tregon takimin e fundit me Lamen para se të nisej për në spital

Akritekti dhe një ndër miqtë më të mirë të Tan Lames, Artan Shkreli ka zbuluar takimin e fundit me...

Bie nga kati i tretë i hotelit në Rinas, dërgohet në spital 2-vjeçari holandez

Një ngjarje e rëndë është shënuar në një hotel në Rinas, ku një fëmijë 2-vjeçar, holandez, ka rënë aksidentalisht nga kati i tretë i...

Shoferi nuk u hapi telefonin, zbardhen përgjimet mes Orges Mollës dhe Suel Elezit

Zbardhen detaje nga përgjimet mes Orges Mollës dhe Suel Elezit të cilët komunikojnë për një ngarkesë droge dhe vështirësinë për të komunikuar me shoferin...

Rezervat e arit për rendin e ri financiar, SHBA po vepron në heshtje

Ari mbetet simbol i pasurisë, fuqisë dhe stabilitetit, ndërsa SHBA kryeson bindshëm listën globale të rezervave të këtij metali të çmuar. Sipas Këshillit Botëror...

“Urime, Igli!” Presidenti Armand Duka “zyrtarizon” Taren te Milani

Presidenti i FSHF, Armand Duka, ka uruar publikisht Igli Taren për pozicionin e tij të ri si drejtor sportiv i Milanit. Me një postim...

Lajme të tjera

Web TV