Rusia ndërpreu një moment heshtjeje “në kujtim të viktimave” të luftës në Ukrainë në fillim të një takimi të Këshillit të Sigurimit të Kombeve të Bashkuara në përvjetorin e pushtimit.
“Në këtë ditë tragjike, kur ne vajtojmë jetë dhe fate të thyera nga Rusia, i kërkoj të gjithëve të mbajnë një minutë heshtje në kujtim të viktimave të agresionit”, tha të premten Ministri i Jashtëm ukrainas Dmytro Kuleba.
Shumica e diplomatëve të mbledhur u ngritën në këmbë, por ambasadori rus filloi t’i binte mikrofonit. Ndërsa të dërguarit e tronditur shikonin, ai më pas këmbënguli: “Ne po ngrihemi në këmbë për të nderuar kujtimin e të gjitha viktimave të asaj që ka ndodhur në Ukrainë, duke filluar nga viti 2014”.
Kështu pala ruse ndërhyri për të kërkuar njohjen nga ministri i Jashtëm maltez, Ian Borg, i cili kryesoi takimin, duke i detyruar diplomatët të kthehen në vendet e tyre për të dëgjuar komentin e Nebenzias për momentin.
Awkward moment for @antonioguterres as Russia’s rep @UN Sec Council demands all members rise to remember “all” victims since 2014, interrupting Kuleba’s 1-min of silence request for Ukrainian victims. Nebenzya appears to stare at & gesture to Guterres to stand up. pic.twitter.com/cCkwwW7XyE
— Camilla Schick (@CamJourno) February 24, 2023
