Një aksident i shumfishtë ka ndodhur dy ditë më parë në Tiranë.
Urbani i unazës ka mare para disa makina ku ka pasur lendime dhe dëme në mjete.
Shoferi i urbanit ka reaguar duke thënë se kishte mbi 20 vite në këtë profesion dhe skishte pasur probleme. Por nuk ishte ndjere mirë që në mëngjes dhe ky ishte shkaku.
“Kam mbi 20 vjet drejtues autobusi. Asnjëherë nuk më ka ndodhur një situatë e tillë në timon. Nuk jam ndjerë mirë që në mëngjes”!
Kjo është dëshmia e shoferit të autobusit i cili u përplas me disa makina në Tiranë, në afërsi të “Shallvareve”. 63-vjeçari, Agron Xhafa, duket se ka shkaktuar aksidentin e shumëfishtë, ku mbetën të plagosur 9 persona, ndërsa u dëmtuan po ashtu edhe 9 automjete.
Xhafa ka deklaruar se në momentin e ngjarjes nuk ka qenë i vetëdijshëm, ndërsa mësohet se ai nuk ishte nën efektin e alkoolit, por vuante nga zemra dhe diabeti.
Ky i fundit tashmë është arrestuar, ndërsa hetimet vijojnë për të përcaktuar shkaqet e saktë të aksidentit të pazakontë në qendër të Tiranës.
