“Njerëzit po digjeshin të gjallë”/ E mbijetuara e aksidentit tragjik rrëfen tmerrin

113 563 lexime

124,178FansaPëlqeje

Një aksident i rëndë hekurudhor ka ndodhur në Greqi në orët e vona te së martës, ku si pasojë e përplasjes së dy trenave kanë humbur jetën të paktën 36 persona.

Aksidenti ndodhi ne qytezën Tempe afër Larisës, rreth 380 kilometra në veri të Athinës.

Një tren mallrash, u përplas me një tren pasagjerësh në cilin ndodheshin 350 udhëtarë. Si pasojë e përplasjes 3 vagonë të trenit të udhëtarëve shpërthyen në flakë.

Të mbijetuarit rrëfyen momentet e tmerrit që përjetuan, ata thanë se disa pasagjerë u hodhën nga dritaret e vagonëve për të shpëtuar.

“Për 10, 15 sekonda ishte kaos. Përmbysje, zjarr, kabllo të varura, njerëz të bllokuar, xhamat shpërthyen papritur  dhe njerëzit po bërtisnin, kishin frikë. Po digjeshin të gjallë”, rrëfeu për mediat greke një pasagjere.

“Fatmirësisht, ne mundëm të hapnim dyert dhe ikem shume  shpejt. Në vagonët e tjerë nuk arritën të dilnin, madje një vagon mori flakë tregoi një tjetër udhetar.

Pasagjerët e përshkruan aksidentin si një makth që zgjati shumë pak. Ata u transportuan në spitalin e Larisas për të marrë kujdesin e nevojshëm mjekësor.

Ekipet e shpëtimit u munduan të nxirrnin jashtë personat e bllokuar. Ne operacion u perfshine  ushtria dhe mjete te renda. Rreth 150 zjarrfikës dhe 40 ambulanca shkuan në vendngjarje.

Edhe vullnetarët në vendngjarje pohojnë se tragjedia është shumë e rëndë, ku vijojnë të nxirren trupa të pajetë nga trenat.

“Po jetojmë një tragjedi. Po nxjerrim njerëz të gjallë, të plagosur… ka të vdekur. Do të jemi këtu, derisa të mbarojmë, derisa të gjejmë personin e fundit”, tha një tjetër punonjës vullnetar shpëtimi.

 

 

Të fundit

Shumica e të rinjve shqiptarë nuk e njohin trashëgiminë jomateriale

Të rinjtë shqiptarë janë të interesuar dhe të angazhuar për të ruajtur trashëgiminë kulturore jomateriale, megjithatë përballen me mungesa...

Opozita është moral

Nga Ben Andoni Ka një mbrojtje të madhe dhe të pakërkuar nga shumë njerëz, të cilët janë afër PD-së për të justifikuar humbjen e zgjedhjeve...

“Nënë Tereza udhëtonte me pasaportë shqiptare”, rrëfimi i rrallë i Liri Berishës

Teksa shumë gjëra mbeten të panjohura për jetën e Gonxhe Bojaxhiu, Lirie Berisha zbulon disa detaje të cilat nxjerrin në pah dashurinë që Nënë...

Sot provimi i parë i maturës/ Manastirliu: Besoni te vetja, më e mira është para jush

Mbi 27 mijë maturantë do t'i nënshtrohen sot provimit të gjuhës së huaj. Në këtë ditë të rëndësishme për nxënësit, Ministrja e Arsimit dhe Sportit, Ogerta...

Nisja e sezonit veror, Rama njofton hapjen e 36 qendra shëndetësore në të gjithë vendin

Me nisjen e sezonit turistik veror, janë hapur 36 qendra shëndetësore verore në të gjithë vendin. Në një postim në rrjete sociale, kryeministri Edi Rama bën të...

Lajme të tjera

Web TV