Një 44 vjeçar nga Bulqiza është vënë në prangat e policisë pasi ushtroi dhunë psikologjike dhe fizike ndaj ish gruas së tij.
44 me inicialet F.D, ka thyer urdhrin e mbrojtjes dhe në mënyrë të përsëritur ka ushtruar dhunë ndaj saj.
Ai rezulton i dënuar edhe më parë për dhunë në familje.
Njoftimi i policisë:
Kreu veprime në kundërshtim me vendimin e gjykatës, ushtroi dhunë psikologjike dhe fizike ndaj ish-bashkëshortes së tij, vihet në pranga 44-vjeçari.
Nga specialistët për Hetimin e Krimit në Komisariatin e Policisë Bulqizë, u bë arrestimi në flagrancë i shtetasit F.D., 44 vjeç, banues në Bulqizë( i dënuar më parë për Dhunë në familje). Ky shtetas ka thyer urdhërin e mbrojtjes që kishte ish-bashkëshortja e tij dhe në mënyrë të përsëritur ka ushtruar dhunë psikologjike dhe fizike ndaj saj.
Materialet procedurale i kaluan Prokurorisë pranë Gjykatës së Shkallës së Parë Dibër, për veprime të mëtejshme.
