Territori i Shqipërisë do të jetë në mbizotërimin e kushteve të qëndrueshme atmosferike për gjatë gjithë 24 orëshit në pothuajse gjithë territorin, ku gjatë paradites do të ketë dhe intervale të shpeshta me kthjellime të cilat më të dukshme parashikohet të jenë në zonat bregdetare.
Ndërsa pjesa e dytë e ditës do të sjelli shpeshtim të vranësirave në të gjithë vendin tonë, ku më të dukshme do të jenë në shtrirjen Lindore, duke krijuar mundësi për reshje të pakta dhe të izoluar.
Temperaturat e ajrit do të mbeten të pandryshuara në mëngjes, por rriten lehtë në mesditë duke u luhatur nga 1°C deri në 15°C.
Era do të fryjë mesatare në det me shpejtësi 30 km/h nga drejtimi Veriperëndimor duke sjellë në brigjet detare dallgëzim 2 – 3 ballë.
