Kylian Mbappe refuzoi të jepte një përgjigje të qartë për të ardhmen e tij në Paris Saint-Germain pas humbjes së tyre ndaj Bayernit.
Bomberi francez pati një paraqitje mesatare në ndeshjen e dytë të 1/8-tës ku Bayern fitoi 2-0 në Allianz Arena për të kaluar tutje me rezultat të përgjithshëm 3-0.
PSG tani është larguar nga turneu në këtë fazë për herë të pestë në shtatë vjet, me Mbappe të “paaftë” për t’i frymëzuar ata drejt suksesit pasi refuzoi një lëvizje te fituesi aktual i Ligës së Kampionëve, Real Madrid, verën e kaluar.
Sulmuesi ka këmbëngulur se ai mbetet i përkushtuar ndaj PSG-së dhe tani do të fokusohet në mbrojtjen e titullit të Ligue 1, por nuk po tërhiqet nga pozicioni i tij afatgjatë në klub.
Kur u pyet për të sqaruar të ardhmen e tij përtej këtij sezoni, Mbappe nuk u tregua edhe aq konkret para gazetarëve.
“Jo, jo, jam i qetë. E vetmja gjë që ka rëndësi për mua këtë sezon është të fitoj tani Ligue 1 dhe pastaj do të shoh”.
“Për momentin, unë jam duke folur vetëm për këtë sezon. Asgjë tjetër nuk ka rëndësi për mua”, ka thënë Mbappe.
