Nga atentati i mbrëmjes se djeshme në lokalin në pronësi të Fatjon Muratit, në zonën e Don Boskos, kanë mbetur një panoramë trishtuese dhe frike ku mbeti e vrarë banakierja e lokalit dhe 5 klientë të plagosur.
Skena e krimit që shohim pas janë xhama të thyer rreth e qark, në lokalin ku u plagosën klientë që kishin shkuar për të pirë kafe.
Fatjon Murati, njihet si personazh i botës së errët të krimit dhe lidhjen e fortë me Indrit Doklen.
E vrarë nga sulmi me armë mbeti Mimoza Paja, dhe u plagosën Sehat Murati dhe Astrit Meraj, Emanuel Sala, Ermir Bejuku, Genc Shohalli.
Po ashtu e lënduar ka mbetur dhe një 10-vjeçare, e cila është mbesa e viktimës.
