Petraq Baku i bëri nder qytetit, ndaj qyteti duhet ta mirënjohë si nderin e vet!

113 563 lexime

124,178FansaPëlqeje

Nga PËRPARIM KABO

Iku nga kjo jetë jo thjesht një njeri, u shuajt një institucion!

PETRAQ BAKU ishte një nga inxhinierët më të zotë si specialist i fushës, por edhe si njeri i aftë për organizmin e punës dhe administrimin. Për aftësitë e tij, kompetencën dhe rigorozitetin që në rini të tij krijoi një personalitet të admirueshëm. Ishte shumë i ri kur iu besua posti i Kryeinxhinierit të Ndërmarrjes së Ndërtimeve Ushtarake. Puna ishte me përgjegjësi dhe me rrezik sepse çdo lloj gabimi paguhej shtrenjtë.

Inxhinier Baku ia doli, me sukses dhe me kompetencë. Nga viti 1981 ai fillol punë në Komitetin Ekzekutiv të Tiranës. Aso kohe banesat ndërtoheshin nga shteti dhe ndërmarrjet me formën që quhej “kontribut vullnetar”, por Komiteti Ekzekutiv ishte investitori për ndërtimin e këtyre banesave. Gjithçka, që nga projektet, sheshet, ndërtimi, kolaudimi dhe marrja në dorëzim drejtohej dhe përmbyllej me lejen e shfrytëzimit nga një ekip i vogël që drejtohej nga inxhinier Petraq Baku.

Kur ndërtimi me kontribut vullnetar u zgjerua, Tirana u shndrrua në një kantier ndërtimesh kudo, aq sa lindën dhe lagje të reja në zona që dikur nuk kishin qenë të banuara, ndaj azhornimi i tyre dhe punimet inxhinierike nëntoksore përbënin një investim me dimesione goxha të mëdha. Aso kohe Inxhinier Petraq Bakun e gjeje kudo, ngado dhe me të njëjtin seriozitet. Një tip i prerë, zbatues i ligjit dhe i rregullit, kushteve teknike dhe detyrimeve kontraktuese, njohës i projekteve deri në detaje dhe me një autoritet që të linte mbresa. Në sektorin ku ai punonte kishin varësinë disa ndërmarrje të mëdha që vepronin në Tiranë në atë kohë si Ndërmarrja Komunale-Banesa, Ndërmarrja e Rrugë-Kanalizime, Ndërmarrja e Ujësjellsit dhe Ndërmarrja e Ndërtim-Gjelbërimit. Kuptohet se çfarë pune voluminoze kryhej, në kushtet kur lëvizej në këmbë ose me autobus urban, kur nuk kishte celular apo kompjuter. Por nuk e teprojmë po të themi, se kujtesa dhe logjika e Petraq Bakut bënin punën e kompjuterit. Një njeri energjik, i përkushtuar, vizionar dhe shume i rreptë. Kur e thoshte fjalën inxhinier Petraq Baku, çka ai e peshonte thellë, askush nuk e vinte në dyshim. Një administrator model, i palodhur, kërkues, nëpunës model, që si të thuash njihte gjithçka të qytetit dhe fshatrave për rreth të cilët ishin nën juridiksionin administrativ të Komitetit Ekzekutiv të Rrethit të Tiranës.

Lexo edhe :  17 Mars 1834/ Lind gjermani Gottlieb Daimler, shpikësi i motorit me djegie të brendshme

Njihte çdo qoshe, çdo nyje ujësjellësi, çdo kolektor të ujërave të zeza. Ai shkonte në këmbë godinë më godinë dhe ndiqte punimet si dhe zbatimin e projekteve.

Deri në vitin 1992 ai mbeti në këtë detyrë kur me vendimin e qeverisë, të famshmin 24/1, largohet padrejtësisht nga puna. Inxhinieri u tërhoq nga puna por dëmi nuk ishte thjesht i tij dhe familjes së tij, në fakt pushtetit lokal në Tiranë iu hoq një shtyllë, u largua një asset që i njihte qytetit gjithçka… Petraq Baku ishte një institucion i inxhinierisë, i administrimit të qytetit, i kulturës urbane.

Petraq i dashur, oh mik me besë! Ke lënë shumë punë të vyera pas. I kam të vyera kujtimet me ty, udhë të mbarë mik! Të qoftë dheu i lehtë! Qofsh i Parajsës!

Të fundit

VIDEO/ Flamuri i PD-së “hyn” me dron në shtëpinë e BBV, mesazh për Luizin

Luiz Ejlli, i konsideruar si ‘luani’ i këtij edicioni të Big Brother VIP, siç duket do të jetë edhe...

VIDEO / Plas sherri mes vajzave në emision: Kujdes me mu se t’i thej gishtat!

Gisela dhe Briki janë dy nga konkurrentet në emisionin “Përputhen”, ku djem dhe vajza mblidhen për të gjetur shpirtin binjak. Megjithatë, jo gjithmonë dashuria triumfon,...

“Plani i fshehtë për arrestimin e Dakos”/ Ish-drejtuesi i policisë tregon skemën

Ish-drejtuesi i policisë Arben Hajdarrmataj tha në emisionin Now në Euronews Albania se në kohën kur Fatmir Xhafaj ishte ministër i Brendshëm ishte përgatitur...

Para pak muajsh mundi kancerin/ Ndahet nga jeta në mënyrë të papritur aktorja meksikane

Rebecca Jones, aktorja e njohur meksikane, ka ndërruar jetë në moshën 65-vjeçare herët në mëngjesin e sotëm. E njohur për rolin e saj si antagoniste në...

Shkolla e Policisë “përjashton” ekselentët/ S’lejohen ata mbi 30 vjeç apo që mbajnë syze

Në muajin shkurt 2023, Policia e Shtetit, njoftoi se janë hapur 300 vende vakante për punonjës policie. Kandidatët duhet të paraqiteshin deri më 15...

Lajme të tjera

Web TV