Sulmuesi kosovar i Augsburg, Mërgim Berisha zyrtarizon pjesëmarrjen me fanellën e Gjermanisë.
Pasi ka kaluar të gjitha kategoritë e të rinjve, tashmë bomberi që shënoi 2 gola në transfertën e Mynihut dhe këtë sezon numëron 9, i mbyll derën çdo mundësie sado të vogël për t’u bashkuar me Kosovën.
Trajneri Hansi Flick e ka grumbulluar për dy sfidat e marsit dhe 24-vjeçari do të debutojë me fanellën e Gjermanisë ku në të shkuarën ka luajtur një tjetër shqiptar, mbrojtësi Shkodran Mustafi.
Në stafin e Alain Giresse kanë shpresuar deri në momentin e fundit që Berisha do të vendoste për përfaqësuesen e vendit të origjinës, por 24-vjeçari e kishte të qartë pozicionin e tij.
Berisha ka lindur në Berchtesgaden, ndërsa u transferua te Augsburg gjatë muajve të verës.
