Efektivi i forcave speciale RENEA, Altin Morina, i cili u arrestua pasi u kap në makinë me një shumë të madhe parash, ka dalë sot para Gjykatës, ku do i caktohet masa e sigurisë.
Arrestimi erdhi në kuadër të operacionit “Fast” falë inteligjencës informative.
Morina me detyrë shef në repartin RENEA është kapur me 113 mijë euro në mjetin e tij tip “Audi”.
Altin Morina po hetohet për pastrim parash, fshehje të ardhurash dhe shpërdorim detyre, pasi shuma monetare që dispononte me vete dyshohet se nuk justifikohet me burime të ligjshme.
43-vjeçari ka qenë i arrestuar dhe në 3 janar 2015-n, në zonën e Kodrës së Diellit, atëherë efektiv i FNSH, teksa shërbente gjatë turnit të tretë si truprojë në një lokal nate së bashku me disa kolegë të tij kishin dhunuar një klient dhe kishin kundërshtuar policinë, madje ai ka goditur dhe shefin e komisariatit numër 2 në atë kohë.
