Analisti Medlir Mema tha në një intervistë për Euronews Albania se ndaj ish-presidentit amerikan Donald Trump po hetohet për 10 vepra të ndryshme penale në gjykata të ndryshme të SHBA.
Ai u shpreh se demokratët kanë pritshmëri të ulët lidhur me paralajmërimet e Trump për mundësinë e arrestimit të tij, ndërsa republikanët janë duke i bërë presion prokurores së Nju Jork të japë llogari në Kongres lidhur me hetimin ndaj Trump.
“Republikanët kanë nisur t’i bëjnë presion prokurores amerikane në Nju Jork të vijë në Kongres të japë llogari për mënyrën si është ndjekur çështja, se ndoshta je duke e përndjekur për arsye politike se është republikan.
Policia amerikane vihet në mikroskopin e Kongresit dhe çështja politizohet”, tha analisti.
