Rebecca Jones, aktorja e njohur meksikane, ka ndërruar jetë në moshën 65-vjeçare herët në mëngjesin e sotëm. E njohur për rolin e saj si antagoniste në shumë telenovela, Jones mundi kancerin në vezore para disa vitesh. Por, sot është raportuar se ka ndërruar jetë.
“Jones ndërroi jetë në paqe dhe me një mirënjohje të thellë për audiencën e saj”, tha agjencia e saj e marrëdhënieve me publikun.
“Me pikëllim të thellë duam të raportojmë vdekjen e të dashurës sonë dhe të admiruar Rebeça Jones,”- thuhet në tej në njoftim.
Nga se vdiq Rebeça Jones?
Në nëntor 2022 ajo u shtrua në spital për shkak të një infeksioni. Gjendja e saj fizike vitet e fundit është ndikuar pas kancerit që mundi. Edhe pse u shërua, trupi i saj ishte dobësuar dhe përkeqësuar nga kjo sëmundje. Deri më tani nuk është bërë i ditur shkaku i saktë i vdekjes së saj.
Karriera e saj si aktore filloi në televizionet meksikane, ku u shfaq në disa telenovela dhe seriale televizive, si “La Casa de las Flores”.
Rebeca Jones u shfaq gjithashtu në disa filma meksikanë e ndërkombëtarë, si “El misterio de Trinidad”, “Vacaciones Separadas” dhe “Suite Deseo”. Ajo ka luajtur edhe në shfaqje dhe është vlerësuar për punën e saj në television me disa çmime për pjesëmarrjen e saj në serialet si “Capadocia” dhe “Quién mato a Sara”.
Ndër telenovelat në të cilat ajo luajti janë “Cuna de Lobos”, “El Ángel Caído” dhe “Imperio de Cristal”, ku ajo u dallua. Prodhimi i saj i fundit ishte “Cabo”.
Rebeca Jones u dallua për profesionalizmin e saj, shkathtësinë e saj si aktore dhe përkushtimin e saj ndaj artit dhe kulturës. Ajo lë një trashëgimi në industrinë e argëtimit meksikan dhe do të jetë një model për aktorët dhe aktoret e reja që kërkojnë sukses në botën e aktrimit.
