Policia me ‘dorë të hekurt’/ Pezullohen 267 leje drejtimi gjatë 72 orëve

113 563 lexime

124,178FansaPëlqeje

Makinat inteligjente, radarët automatikë, dronët, dragerat, kamerat dhe makinat e pauniformuara, 24/7 në të gjitha akset rrugore.

Si rezultat i monitorimit intensiv gjatë 72 orëve të fundit, janë pezulluar 267 leje drejtimi, nga të cilat 221 për shpejtësi mbi normat e lejuara në akset kryesore nacionale dhe në qendrat urbane, 34 për drejtim të mjetit nën efektin e alkoolit apo në gjendje të dehur dhe 12 për qarkullim në sens të kundërt.

Janë arrestuar  në flagrancë 21 drejtues mjetesh, nga të cilët 12 për drejtim mjeti në gjendje të dehur dhe 9 për drejtim mjeti pa leje drejtimi.

Gjithashtu, duke përdorur mjetet inteligjente, janë evidentuar dhe ndëshkuar me masa administrative, pa sanksionin e pezullimit të lejes së drejtimit, 2264 drejtues mjetesh që qarkullonin me shpejtësi në qendrat e banuara, 489 drejtues për përdorim të celularit gjatë drejtimit të automjetit, 1110 drejtues mjetesh për parakalime të gabuara dhe 711 drejtues mjetesh janë ndëshkuar për mosvendosje të rripit të sigurimit.

167 drejtues motomjetesh janë ndëshkuar për mosvendosje të kaskës mbrojtëse dhe të shenjave sinjalizuese gjatë natës.

Policia Rrugore apelon për të gjithë përdoruesit e rrugës, që të zbatojnë me rigorozitet rregullat e qarkullimit rrugor, të moderojnë shpejtësinë, të vendosin rripin e sigurimit, të mos përdorin celularin gjatë drejtimit të mjetit, të mos kryejnë parakalime të gabuara, të mos qarkullojnë në sens të kundërt, t’iu japin përparësi këmbësorëve dhe biçiklistëve, si dhe për drejtuesit e motomjeteve, të vendosin kaskën mbrojtëse dhe shenjat dalluese kur qarkullojnë në kushtet e errësirës.

Të fundit

U shoqërua nga policia/ Reagon Alimadhi: Po bënim planet për fushatë, nuk loznim lloto!

Kreu i Ballit Kombëtar Adriatik Alimadhi ka reaguar në lidhje me shoqërimin e tij nga policia mbrëmjen e djeshme. Më...

Sëmundjet kancerogjene: Shqipëria s’ka mjaftueshëm ilaçe, pajisje dhe staf mjekësor

Mungesa e qendrave të specializuara për trajtimin e kancerit, numri i kufizuar i pajisjeve radioterapeutike dhe stafi i kufizuar në shërbimet onkologjike, janë shqetësimet...

Shkak moti i keq/ Shembet godina në Spanjën jugore, 3 viktima

Tre persona kanë humbur jetën kur një godinë u shemb në Spanjën jugore , e shkaktuar nga stuhia Nuria  e cila u shoqërua nga...

Berisha do “heqë” tarifat/ Doktori premton “shpëtimin”: Do bisedoj me Trump

Sali Berisha do të heqë doganën, por jo “non gratën”. Dy ditë pasi doli për herë të parë kundër idhullit të tij, Donald Trump,...

Djemtë e David dhe Victoria Beckham nuk flasin, shkak e dashura e njërit prej tyre

Familja Beckham po përballet me konflikt të brendshëm pasi Brooklyn dhe Romeo Beckham thuhet se nuk flasin. Sipas TMZ, përçarja buron nga marrëdhënia e...

Lajme të tjera

Web TV