Elton Qyno
Prokuroria e Tiranës, ka mbyllur hetimet për djegien e gjallë me zjarr të Menduh Kurtedës, ngjarje e cila ndodhi në vitin 2017 në malin e Dajtit. Hetimi i akuzës, zbuloi se autorë të kësaj vrasje janë nënë e bir, Marjeta Karaj dhe Besmir Karaj, ky i fundit i shpallur në kërkim ndërkombëtar nga policia.
Mes personave të pandehur është marë dhe Gazmir Ngota, shoku i ngushtë i Besmir Karaj.
Sipas dosjes hetimore në 16 maj 2017 në vendin e quajtur “Kodër Shupal”, Zall-Bastar Tiranë, u gjet një kufomë e seksit mashkull, i cili pas aktit të ekspertimit, u identifikua si shtetasi Menduh Kurdeda.
Nga hetimet e prokurorisë, rezultoi se e pandehura Marjeta Karaj, e punësuar si sekretare në një OJF-ë, ka pasur mosmarrëveshje të vazhdueshme me të ndjerin, në lidhje me financimin dhe menaxhimin e fondeve të shoqatës.
Në 2017 djali i saj, shtetasi Besmir Karaj dhe miku i tij, i pandehuri Gazmir Ngota, me kërkesë të shtetases Marjeta Karaj, kanë marrë të ndjerin në makinë dhe e kanë transportuar në “Kodër Shupal”.
Aty e kanë lidhur dhe ushtruan presion për kthimin e një borxhi që e pandehura Marjeta, pretendonte se i ndjeri i kishte një shumë prej 10 milion letë të vjetra. Në momentin që viktima ka mohuar borxhin dy personat i kanë vënë flakën me benzinë.
Pas 5 vite nga ky krim i rëndë njëri nga autorët e krimit, I pandehuri Gazmir Ngota, shfaqi pendesë dhe pranoi të bashkëpunojë me drejtësinë duke rrëfyer ngjarjen.
Nga rrethanat dhe provat e administruara, gjatë fazës së hetimit paraprak rezultoi plotësisht e provuar se të pandehurit kanë konsumuar elementet e veprës penale “Vrasje me dashje” e kryer në bashkëpunim.
