Roma mposht Sampdorian dhe barazon me pikë Interin (50), me shpresën që Milani nuk do të mund të marrë më shumë se një pikë në stadiumin “Maradona”.
Skuadra verdhekuqe triumfoi 3-0 (shënoi holandezi Wijnaldum në minutën e 57-të, Dybala me 11-metërsh në 88′ dhe El Shaarawy në shtesë), për të “harruar” dy humbjet e fundit me Sassuolon dhe Lazion. Kujtojmë që nga minuta e 49-të skuadra gjenoveze luajti me një lojtar më pak pas së dytës së verdhë të Murillos.
Një krosim perfekt i Maticit gjeti pikërisht kokën e mesfushorit, që iu “vodh” mbrojtjes pas shpinë, në shtyllën e dytë, duke realizuar një gol me shumë vlerë .
Dy minuta para fundit të kohës së rregullt, Dybala u tregua i saktë nga pika e bardhë për të vulosur fitoren me shifrat 2-0.
Në shtesë pati kohë edhe për një gol të tretë, që mban firmën e El Shaarawy-t.
Nuk ishte i grumbulluar nga Mourinho për këtë takim mbrojtësi i Kombëtares Shqiptare, Marash Kumbulla, për shkak të kartonit të kuq që mori në ndeshjen me Sassuolon.
