Deputetja e Partisë së Lirisë, Monika Kryemadhi ka bërë një deklaratë të fortë mbrëmjen e sotme.
Kryemadhi tha në emisionin “Opinion” se javën tjetër do të arrestohet ish-zv.kryeministri Arben Ahmetaj.
“Ahmetaj mund të jetë i radhës, e gjitha për inceneratorët për të mbuluar aferën Mcgonigal. Ky zotëri do shkojë në burg si koka e inceneratorëve, jo se nuk është, ai është, por Rama shpëton. Ahmetaj mund të arrestohet, bëhet një marrëveshje, se ka frikë se mund të ketë qenë Ahmetaj ai që ka çuar paratë tek McGonigal. Unë s’kam marrë asnjë informacion në lidhje me inceneratorët. Javën e ardhshme do arrestohet zoti Ahmetaj. Po e jap ekskluzive te ju. Do arrestohet zoti Ahmetaj”, u shpreh ajo ndër të tjera.
