Ish-sulmuesi francez, Thierry Henry, 45 vjeç, ka shprehur këtë të hënë me forcë bindjen e tij se gjëja më e mirë për Lionel Messin është të kthehet te Barcelona sezonin e ardhshëm.
Klubi dëshiron që kjo të ndodhë dhe do të përpiqet t’I ofrojë kontratën e duhur, pasi “ylli” amerikano-jugor është në përfundim të kontratës me parizienët.
“Messi duhet të kthehet te Barcelona, për dashurinë e futbollit”, tha Henry, i cili ishte shok skuadre me pleshtin pikërisht te Barça, nga viti 2007 deri në vitin 2010.
“Nuk është informacion, është një dëshirë. Messi duhet të kthehet te Barcelona për dashurinë e futbollit… dhe sepse ai nuk u largua nga klubi siç duhej. Lotët e lamtumirës së tij e vërtetojnë këtë”.
Ky është reagimi i prerë i francezit Thierry Henry pasi pa Messin duke u fishkëllyer nga tifozët e kampionëve francezë në humbjen e fundit me Lyonin.
“Është e turpshme të dëgjosh kore kundër Messit. Nuk mund të shash një nga lojtarët më të mirë të skuadrës, me 13 gola dhe 13 asistime”, ka vijuar Henry, cituar nga “L’Équipe”.
Nuk është e lehtë të drejtosh një “orkestër” me tre “dirigjentë”. Në Argjentinë, ai është shefi. Lojtarët e tjerë të Argjentinës do të vdisnin për të! Dhe kur Leo e ndjen, askush nuk mund ta ndalojë. Këtu (te PSG) është ndryshe”, nënvizoi Henry, i zhgënjyer nga kritikat për Messin.
