Të martën në orën 21.00, Manchester City do të masë forcat me Bayern Munchen për çerekfinalen e parë të UEFA Champions League. Tekniku i anglezëve, Pep Guardiola ka thënë në konferencën për shtyp se skuadra do kërkojë t’i shkojë deri në fund këtij kompeticioni, pavarësisht nivelit të lartë të kundërshtarit që nesër ka përballë.
“Ne kujdesemi shumë. Ne duam të testojmë veten kundër një klubi elitar si Bayern Munich. Duhet ta meritosh, le të përpiqemi të bëjmë hapin e parë nesër. Ne përpiqemi çdo sezon, por ka ekipe me të cilat përballesh dhe janë gjithashtu shumë të forta. Ne do ta provojmë si çdo sezon, por kjo nuk do të thotë se do të fitojmë. Michael Jordan fitoi gjashtë tituj të NBA, sa sezone ka luajtur? 16. Duhet të jemi perfekt për të marrë një rezultat të mirë për ndeshjen e kthimit në Gjermani. E rëndësishme është që ne jemi ende këtu”.
Ajo që mund të them është se lojtarët reagojnë shumë mirë. Në këtë kompeticion, Premier League nuk ka rëndësi, ka rëndësi se si luan në 90 minutat, nuk llogaritet ajo që ke bërë tre ditë më parë. Duhet të jesh perfekt për të paktën 95 minuta. Nesër mbrëma, duhet të jemi gati. Duhet të shënojmë gola dhe të luajmë më të mirën sapo të fillojë ndeshja.
Haaland? Ai është shumë i rëndësishëm për ne. Ai erdhi për të na ndihmuar të përpiqemi të fitojmë Champions League, por edhe trofetë e tjerë. Është e rëndësishme të kemi një lojtar që mund të shënojë nga asgjëja. Kundër tyre më parë kemi shënuar gjashtë gola dhe u skualifikuam. Kundër Tottenhamit shënuam katër dhe u skualifikuam. Ne shënojmë gjithmonë gola, nuk është ky problemi” – Tha ai.
