Pas lajmit për dëmtimin e Lisandro Martínezit, i cili do t’i nënshtrohet një operacioni në gishtin e pestë të këmbës së djathtë dhe nuk pritet të luajë më këtë sezon, e njëjta gjë mund të ndodhë edhe me francezin Raphael Varane, i cili gjithashtu u dëmtua në barazimin kundër Sevillas (2-2), në ndeshjen e parë çerekfinale të Europa League.
Sipas “The Athletic”, megjithëse Erik Ten Hag ka deklaruar se mbrojtësi francez duhet të mungojë vetëm për disa javë, realiteti është se drejtuesit teknikë kanë frikë se Varane nuk do të luajë më këtë sezon.
Trajneri holandez do të jetë pa dyshen qendrore startuese në një moment vendimtar të sezonit, ku Manchester United po lufton për të garantuar një vend në edicionin e ardhshëm të Champions League dhe përpiqet të garantojë kualifikimin në gjysmëfinale të Europa League.
