10 arsye pse nuk duhen ftuar palaçot në televizion

113 563 lexime

124,178FansaPëlqeje

Nga Lutfi Dervishi

10-Janë bërë shumë të parashikueshëm. Edhe pa hapur gojën, gjithkush thuajse e di se çfarë ka për të thënë. Ata që i ftojnë nuk presin prej tyre analiza të thella, komente të balancuara, apo pikëpamje interesante. Jo, ata janë ftuar për të bërë “skandal”, për të bërë sherr me njëri-tjetrin dhe për të tërhequr vëmendjen që prodhon klikime, e klikimet para për pronarët.

9-Ata që juve ju duken burime informacioni, janë njerëzit më të painformuar në vend. A e keni vënë re ndonjëherë se si disa palaço duket se kanë një mendim për pothuajse çdo gjë, madje edhe kur ata nuk e kanë idenë se për çfarë po flasin? E keni vënë re se përdorin 200-300 fjalë dhe duket sikur kanë shpikur rrotën? Provoni t’i pyesni për diçka që shkon përtej patetizmave.

8-Totalisht të pasjellshëm. Fyejnë të ftuarit, fyejnë drejtuesin/drejtuesen e programit, por mbi të gjitha fyejnë shikuesit dhe dëgjuesit. Këta qenie janë të aftë për të treguar mungesë totale respekti për njerëzit që kanë rreth vetes.

7-Unë, unë, unë… Janë të interesuar vetëm për të promovuar veten dhe me këtë gënjejnë njerëz duke u hequr si avokatë/ekspertë/inxhinjerë/mjekë. Janë aty për t’i rrymbyer kohën të ftuarve të tjerë dhe sigurisht edhe shikuesve.

6-Betejë për vëmendje. Nuk vrasin kurrë mendjen se çfarë thonë, sepse qëllimi është vetëm të shihen, të jenë të pranishëm në çdo ekran dhe gjëja e fundit që i intereson është: Tema për të cilën janë ftuar të flasin.

5-Sherrxhinj. Ata gjithnjë bëjnë deklarata nxitëse me qëllim ngjalljen e urrejtjes. Nuk ka asnjë rast që të flasin për dialog, paqe dhe mirëkuptim.

Lexo edhe :  Primaret, premtimet, LaCivita dhe çeku 6 milion dollarë

4-Të papërgjegjshëm. Kur ata bëjnë deklarata të tipit “kodra pas bregut” ose kur përhapin rrena apo konspiracione, nuk mbajnë asnjë përgjegjësi për ato që thonë. Nuk ka asnjë rast që të kenë bërë prapaktheu për gabimet ose të kenë pranuar se “parashikimet” e tyre nuk kanë dalë pavarësisht kostos publike që kanë dhënë.

3-Janë të dëmshëm. Disa nga këta palaço nuk janë thjeshtë të bezdisshëm ose fyes, janë edhe të rrezikshëm pasi me sajesat dhe idiotësitë e tyre mund të shkaktojnë dëm tek të tjerët.

2-Të mërzitshëm. Po bëhen të mërzitshëm si po i ngjajnë “deleve që i qeth një bari”. Megjithëse nuk ngjajnë nga pamja, duket sikur lexojnë të njëjtin tekst. Riciklojnë veten pa thënë asgjë të re dhe interesante. Madje risjellin histori të së shkuarës duke e vendosur veten në ngjarje që do të donin të kishin qënë për të bërë kthesat e mëdha të politikës a medias.

Dhe arsyeja numër një pse producentët televizivë duhet të mendojnë dy herë përpara se të ftojnë palaçot në studio:

1-Janë qesharakë. Po, madje as për të qeshur nuk bëjnë aq shumë sepse kufiri mes komikes dhe tragjikes është neveria. A nuk është koha për të rinovuar studiot televizive?

Dhe e fundit, ju që i ftoni mos mendoni se talleni me ta. Rusët kanë një fjalë të urtë: nëse fton në vallëzim ariun, është ariu që vendos se kur do të mbarojë tangoja.

 

Të fundit

Kreditë me probleme ranë sërish lehtë në mars, prekin minimum të ri për 17 vitet e fundit

Raporti i kredive me probleme pësoi një sërish një rënie të lehtë në muajin mars. Sipas statistikave nga Banka...

Rama inspekton punimet e reja në aeroportin “Nënë Tereza”: Ndër më të bukurit e Europës

Kryeministri Edi Rama ishte sot në aeroportin “Nënë Tereza”, i cili është më i madhi në rajon për numër pasagjerësh. Rama tha se aeroporti po...

“Zarfet e Greqisë mos bashkohen me të tjerat”, Topalli: Po bëhet manipulim masiv me votat

Drejtuesja politike e PD në diasporë, Jozefina Topalli, ka denoncuar sërish problematikën e votimit të shqiptarëve në Greqi për zgjedhjet e 11 majit. Ajo...

Zgjedhjet parlamentare/ “Blindohen” burgjet, mbi 3 mijë të dënuar me të drejtë vote

Policia e Burgjeve me mbështetjen e Policisë së Shtetit kanë ndërmarrë një sërë masash shtërnguese për burgjet dhe paraburgimet në vend lidhur me zgjedhjet...

Si ndikon dielli tek organizmi dhe pesha e trupit

Dielli mund të ketë të këqijat e veta kur njeriu ekspozohet në pikun e tij, e megjithatë ekspertët thonë se ai ofron shumë përfitime...

Lajme të tjera

Web TV