PD hap fushatën në Lezhë/ Bardhi fajëson Metën: Solli Ramën në pushtet në vitin 2013

113 563 lexime

124,178FansaPëlqeje

PD ka hapur fushatën elektorale në Lezhë duke komentuar koalicionin e Sali Berishës me Ilir Metën. Sekretari i Përgjithshëm i PD, Gazmend Bardhi ishte në një takim me demokratët në Lezhë, ku tha se nuk e pranojnë që të bëhen gabimet e së shkuarës duke fuqizuar Ilir Metën.

Bardhi u shpreh se kanë hyrë në betejë elektorale të pazakontë për të ruajtur identitetin e PD.

“Në këtë sallë dhe kudo ku është PD, më besoni është pjesa e arsyeshme e PD. Ajo që në 32 vite ka qenë këtu, edhe kur ia kanë përplasur derën në surrat ka qenë po këtu se duan PD. Edhe në këtë betejë elektorale të pazakontë kemi hyrë me një qëllim, të ruajmë dinjitetin e PD. Ka qenë vendim i vështirë, çdo zgjidhje që mund të bënim ishte me pasojë. Secili mendonte që njëra zgjidhje kishte pasojat më të vogla, dikush tjetër mendonte që zgjidhja tjetër kishte pasojat më të vogla. Për Bashkinë e Lezhës u gjykua që do të duhet të bëheni pjesë e zgjidhjes. Një gjë s’ia falim askujt, në 2023 të përsërisim gabimet e të shkuarës për inate të momentit. Të gjithë e mbani mend në 2009 e mbushëm me pushtet Ilir Metën dhe me atë veprim, sollëm në pushtet Edi Ramën në 2013”, tha Bardhi.

“Beteja elektorale e demokrateve në Lezhë do të jetë për Këshillin Bashkiak, por Pjerin Ndreu nuk mund të jetë më kryebashkiak i Lezhës”, tha Gazmend Bardhi, duke dhënë sinjale për mbështetje të kandidatit të opozitës Pashk Gjoni.

“Ne zgjodhëm të luftojmë vetëm për PD. Nëse dikush që përfaqëson opozitën në këto zgjedhje bën thirrje apo mbështet PD, pa diskutim që jemi opozitarë. Duam që Pjerin Ndreu të mos jetë më kryetar i bashkisë së Lezhës. Nuk mund kurrsesi të drejtojë bashkinë e Lezhës dhe të përfaqësojë qytetarët, në politikë reciprociteti të con përpara. Ne s’mund të japim e të mos marrim asgjë”, tha Bardhi.

Lexo edhe :  "Kur të flas unë..." Kë po kërcënon Erion Veliaj me videon e fundit?

Partia Demokratike nuk ka kandidat në asnjërën prej tre bashkive të Qarkut Lezhë, por do të garojë vetem për Këshillat Bashkiak në zgjedhjet vendore të 14-majit.

 

Të fundit

U dëmtua në stërvitje, zbulohet sa do të mungojë Jashari te Milani

Ardon Jashari do të qëndrojë jashtë fushave për disa muaj. Mesfushori shqiptar, i transferuar për 39 mln euro te Milani...

Gjenden 70 trupa të djegur në mes të shkretëtirës

Autoritetet amerikane kanë nisur një hetim pas zbulimit të të paktën 70 grumbujve me mbetje njerëzore të djegura në një zonë të shkretëtirës pranë...

“Mediat sociale po marrin kontrollin e informacionit”

Agjensia e lajmeve Reuters ka publikuar raportin e lajmeve digjitale për vitin 2025. Raporti i këtij viti publikohet në një kohë pasigurie të thellë...

Kur do largohet nga kombëtarja? Messi jep sinjalet e para…

Lionel Messi, tashmë 38 vjeç, po i afrohet fundit të karrierës së tij si futbollist, dhe së fundmi ka konfirmuar se po mendon realisht...

Zelensky: Trump duhet të përfshihet në bisedimet për garancitë e sigurisë

Bisedimet mbi garancitë e sigurisë së Ukrainës duhet të ngrihen menjëherë midis udhëheqësve , përfshirë Presidentin e SHBA-së Donald Trump , tha Volodymyr...

Lajme të tjera

Web TV