Ilir Meta dhe bashkëshortja e tij Monika Kryemadhi, janë takuar këtë të premte me kryegjyshin botëror bektashian Haxhi Dede Edmond Brahimaj. Ata kanë uruar festën e Fitër Bajramit, e cila festohet sot dhe shënon fundin e muajit të Ramazanit.
“I lumtur të takoja sot Kryegjyshin Botëror të Bektashinjve, Haxhi Dede Edmond Brahimaj, për të ndarë me të dhe të gjithë besimtarët urimet më të përzemërta për festën e Fitër Bajramit.
Uruam që me bekimin e Zotit, lutjet, sakrificat dhe veprat e mira të shpërblehen në sa më shumë mirësi, begati dhe të ardhme më të mirë, për familjet shqiptare, sidomos për fëmijët e tyre”, shkruan kreu i Partisë së Lirisë, Ilir Meta dhe ndan foto nga takimi.
