Milani bëri detyrën ndaj Lecces, kundërshtar të cilin e mposhti 2-0 në “San Siro”. Rafael Leao vijon momentin magjik. Ylli i kuqezinjve ishte autori i dy golave të skuadrës së Stefano Piolit.
Leao zhbllokoi takimin në minutën e 40’. Krosim i Sandro Tonalit u finalizua nga një gol me kokë i portugezit. Goli i dytë personal dhe i qetësisë për Milanin, erdhi në minutën e 75’.
23-vjeçari u nis nga mesi i fushës, marshoi drejt portës kundërshtare dhe dërgoi topin në rrjetë.
Milani ngjitet në kuotën e 56 pikëve, po aq sa Roma e vendit të katërt.
