Komisioneri Shtetëror Ilirjan Celibashi konfirmoi se partitë politike nuk i kanë marrë ende fondet e shpërndara për fushatën.
Celibashi tha në “Pa Censurë” në RTSH, se KQZ nuk ëhstë përgjegjës pasi vendimi nga ana e autoritetit është miratuar dhe çështja i përket thesarit.
“Nuk është një çështje e KQZ. Ne kemi bërë atë që duhej të bënim. E miratuam vendimin sesa lekë i takonte secilës parti, 1 ose 2 ditë pas miratimit nga Parlamenti të buxhetit. Ky fond nuk i shkon KQZ-së. Kjo është çështje e thesarit, e buxhetit të shtetit”, u shpreh Celibashi.
I pyetur se me çfarë parash po bëjnë fushatë partitë politike, Celibashi tha se është pyetje që iu prket partive.
“Është pyetje shumë e mirë për ta. Pas përfundimit të zgjedhjeve. 60 ditë më pas është pyetje shumë e mirë për ne”, tha Celibashi.
Sa i përket parave, Celibashi tha se partitë politike shpenzojnë më shumë se sa raportojnë.
“Ndoshta mund të jem pak naiv, por jo aq dhe besoj që shpenzohen më shumë sesa raportohen, por sa kohë që nuk ke një mekanizëm për ta vetifikuar këtë ligjërisht, atëherë do të duhet t’i besosh atij mekanizmi që është ndërtuar për të bërë verifikimin”, tha komisioneri.
