Një aksident ka ndodhur në Sauk, ku një autoveturë dhe një mjet i transportit urban janë përplasur mes tyre.
Si pasojë e përplasjes është dëmtuar dhe është plagosur rënde drejtuesi i mjetit, i cili aktualisht ndodhet në spitalin e Traumës, si dhe kanë marre plagë të lehta 4 persona të tjerë.
Aksidenti ka ndodhur në afërsi të rrethrrotullimit të TEG-ut, ndërkohë që nuk dihen ende shkaqet që kanë çuar në përplasjen e mjeteve.
Njoftimi i policisë:
Më datë 10.05.2023, në Sauk, janë përplasur autobusi me drejtues shtetasin B. H., me automjetin me drejtues shtetasin I. A.
Si pasojë janë dëmtuar shtetasi I. A., dhe një pasagjere në autobus, të cilët ndodhen në spital, nën kujdesin e mjekëve, ndërsa tre pasagjerë të tjerë, pas kontrollit mjekësor, janë larguar nga spitali.
Nga verifikimet paraprake rezulton se drejtuesi i mjetit, shtetasi I. A., ka hyrë kundravajtje duke i dalë para autobusit dhe ka shkaktuar aksidentin.
Po kryhen procedurat për ndalimin e shtetasit I. A.
Grupi hetimor po punon për sqarimin e rrethanave të aksidentit.
