Gazetari Ervis Iljazaj tha se Edi Rama nuk e ka nxjerrë nga loja opozitën, madje sipas tij e ka vënë në qendër të vëmendjes.
Në këndvështrimin e gazetarit, duke u marrë çdo ditë me Sali Berishën dhe Ilir Metën, që janë sipas këndvështrimit të shumicës, opozita e vërtetë, Edi Rama thjesht i ka legjitimuar.
“Edi Rama jo vetëm që mundohet ta eleminojë opozitën reale, por në të gjithë retorikën e tij e ka vendosur në qendër.
Ilir Metën dhe Sali Berishën duke u marrë përditë me ta nuk i ka eleminuar aspak, përkundrazi i ka legjitimuar.
Po çfarë duhet të bëjë më shumë që të legjitimojë kundërshtari se sa të merret gjithë ditën me ty?!” – u shpreh Iljazaj duke theksuar se koalicioni “Bashkë Fitojmë” është opozita e vërtetë, pasi Partinë Demokratike nuk e ka përmendur fare.
