Pavarësisht rrethanave shëndetësore, të moshuarit në Kuçovë kanë ushtruar të drejtën e votës për të zgjedhur drejtuesit e rinj të pushtetit vendor në 61 bashkitë e vendit.
Mes tyre është edhe Andrea Kapllani, i cili prej muajsh të tërë vuan nga një dëmtim i këmbës dhe i është dashur që gjatë kësaj kohë të lëvizë kudo me paterica. Megjithatë kjo nuk e ka penguar atë të marrë pjesë në votime, pavarësisht vështirësisë për të lëvizur. I shoqëruar nga bashkëshortja e tij, Andrea u paraqit në qendrën e votimit për të zgjedhur kandidatin që dëshiron për të qeverisur për 4 vite në Kuçovë.
66-vjeçari u ndje i lehtësuar që foli me vullnetin e tij të votës ndërsa u kërkoi edhe mijëra të rinjve të bëjnë në këtë ditë të rëndësishme për fatin e qytetit. Mësohet se, pjesëmarrja në votime në qytetin e Kuçovës ka qenë e ulët.
