Gëzim Topçiu i Partisë Socialiste ka siguruar për herë të shtatë mandatin si kryebashkiak në Bashkinë e Maliqit.
Në një prononcim për mediat, Topçiu falënderoi të gjithë votuesit, teksa u shpreh i prekur.
“Ende vazhdojmë punën, kjo nuk është mandatesh por për komunitetin. Bashkia e Maliqit është kampione. Kemi fituar të gjitha qendrat e votimit si asnjëherë. Patjetër që prekem, pasi është mandati i shtatë karrierën time.
Kjo është përgjegjësi për mua që më kanë besuar. Të gjithë banorëve të majtë dhe të djathtë. Unë mendoj se cilat janë punët e radhës që do bëjmë. Falënderoj Niko Peleshin për mbështetjen që më ka dhënë.
Faleminderit të gjithë komisionerëve, vëzhguesve dhe numëruesve. U them kundërshtareve që nuk mund të fitojnë vota vetëm muajin e fundit të zgjedhjeve, por me punë çdo ditë”, u shpreh Topçiu.
