Sevilla siguron finalen e Europa League teksa mposhtën në kohën shtesë Juventusin me shifrat 2-1. Në stadiumin Sanchez Pizjuan emocionet ishin të mëdha, me vendasit që në fund patën të drejtën për të festuar. Në fakt, ishin bardhezinjtë ata që u shfaqën më këmbëngulës teksa në pjesën e parë patën disa mundësi të mira, ku veçohet një shtyllë e Moise Kean. Megjithatë, gola në pjesën e parë nuk pati.
Në fraksionin e dytë, Juventus gjeti golin me anë të Dusan Vlahovic teksa serbit i mjaftuan dy minuta në lojë për të tundur rrjetën e portierit Bono. Por, vendasit nuk mund të dorëzoheshin dhe gjashtë minuta më pas, Suso riktheu baraspeshën me një perlë nga jashtë zone. Deri në fund nuk pati fitues dhe sfida shkoi në kohën shtesë.
Aty ishin sërish vendasit më kërkues dhe në fakt gjetën edhe golin e përmbysjes me anë të Eric Lamelas në minutën e 95-të. Pas këtij momenti ishte Juventus që u hodh në sulm, mirëpo nuk ia doli të gjente golin, edhe pse në minutat e fundit, Sevilla mbeti me 10 vetë pas Acuna mori kartonin e dytë të verdhë. Gjithsesi, Sevilla në fund festoi biletën e finales së Europa League dhe më datë 10 maj në Budapest do të përballet me Romën.
