Shqipëria do të jetë një nga destinacionet e huaja më të kërkuara nga turistët spanjollë këtë verë, me rritje të rezervimeve deri në 500%, sipas operatorit turistik të grupit Majorkan, “Soltour”.
Në nivel kombëtar, tendenca për verën e vitit 2023 për spanjollët vazhdon të jetë e fokusuar në brigjet Andaluziane dhe Valenciane dhe me rritje të dukshme në Costa Brava, thotë kompania.
Kompania, e cila tregon se kërkesa e verës do të tejkalojë shifrat e para Covid-it, zbulon gjithashtu fuqinë e Karaibeve dhe Cape Verde ndër destinacionet më të kërkuara, përveç Marokut, Egjiptit, Turqisë dhe udhëtimeve të mëdha.
Udhëtari mesatar që përdor shërbimet e kompanive Soltour do të shpenzojë 5% më shumë se në vitin 2022 dhe ata të operatorëve të grupit të specializuar në udhëtime më të gjata (Europamundo dhe Luxotour) rreth 1350 euro për person.
