Dubai është kthyer në “shtëpinë” e bosëve të drogës dhe të krimit. Shumë kriminelë strehohen në Dubai pasi ky shtet nuk lejon ekstradimet.
Në lidhje mne këtë çështje ka folur kreu i SPAK Altin Dumani për TV Klan ku është shprehur se kjo nuk është në dorë vetëm të Prokurorisë së Posaçme.
Ai ka theksuar se janë bërë 4 kërkesa për ekstradim të shtetasve shqiptarë nga Emiratet e Bashkuara Arabe të cilat janë në process shqyrtimi nga autoritetet arabe.
Ai i ka lënë topin qeverisë duke thënë se e ka adresuar këtë problem në raport dhe ju takon autoriteteve të tjera për ta ndjekur këtë në vijim.
“Prokuroria e Posaçme ka transmetuar pranë Ministrisë së Drejtësisë katër kërkesa për ekstradimin e shtetasve shqiptarë nga Emiratet e Bashkuara Arabe, të cilat janë akoma në proces shqyrtimi nga autoritetet arabe.
Ekstradimi nga Emiratet e Bashkuara Arabe nuk është një problem vetëm për Shqipërinë, por edhe për gjithë vendet e tjera të Bashkimit Evropian dhe më gjerë. Unë e kam adresuar këtë problem në raport, ju takon autoriteteve të tjera për ta ndjekur në vijim”, tha Dumani.
