Si të mbroheni prej alergjisë nga dielli

113 563 lexime

124,178FansaPëlqeje

Me ngrohjen e motit, njerëzit shpenzojnë kohë duke qëndruar në natyrë, por shumë syresh ankohen për alergjinë nga dielli.

Alergjia nga dielli përfshin njollat e lëkurës pas ekspozimit për një kohë të gjatë në diell.

Këto skuqje lidhen me çrregullimet e lëkurës, ndërkohë që specifikat e fenomenit (fotodermatoza) do t’i gjeni më poshtë në këtë artikull.

Kur kaloni orë në diell, gjasat janë që në pjesën e kraharorit e të krahëve të dalin disa njolla të fryra me ngjyrë të kuqe.

Termi i saktë i alergjisë nga dielli është ‘fotodermatoza’ dhe shpërthimi i këtyre njollave është një nga reagimet e kësaj alergjie.

Simptomat zakonisht prekin femrat nga mosha 20 deri në 40 vjeç.

Njollat zakonisht shfaqen në ngjyrë rozë ose të kuqe, në pjesën e krahëve, kraharorit dhe këmbëve.

Këto njolla nuk prekin lëkurën e fytyrës.

Njollat shfaqen zakonisht në pranverë ose në fillim të verës dhe shkaktohen nga ekspozimi afatgjatë në diell pas një periudhe me ekspozim të kufizuar në dritën e tij (dimër).

Alergjitë nga dielli zakonisht shoqërohen nga kruarjet ose ndjesinë e djegies.

Çfarë ndodh nëse këto njolla shfaqen disa minuta pas ekspozimit në diell ose përballeni me një shpërthim të fortë kruarjesh.

Kjo do të thotë se ju jeni prekur nga urtikaria diellore që mund të prekë çdo zonë të lëkurës së ekspozuar.

Njollat zhduken kur futeni në hije dhe në rastin më të keq ato zgjasin 24 orë.

Ndjesia e djegies nga dielli është më e përhapura dhe mund të prekë të gjitha pjesët e lëkurës të ekspozuara në diell.

Nëse jeni në dijeni mbi llojin e medikamenteve që rrisin ndjeshmërinë e lëkurës ndaj dielli, është e rëndësishme të shmangni ekspozimin në diell dhe të mbroheni prej tij.

Lexo edhe :  Helmimi nga ushqimi/ Temperaturat e larta rrisin rrezikun

Kremërat mbrojtës mund t’ju vijnë në ndihmë, por përdorimi i përhershëm i tyre kërkohet rrallë.

Ndonjëherë dielli mund të përkeqësojë edhe çrregullime si lupusi ose rosacaea (skuqjet e lëkurës).

Nëse vini re që lëkura juaj përkeqësohet, atëherë kufizoni daljet në natyrë dhe kujdesuni të lyheni me krem mbrojtës me faktor të lartë.

Fotodermatoza mund të jetë edhe një problem gjenetik, por kjo ndodh rrallë.

Njerëzit që vuajnë nga ky problem janë tepër të ndjeshëm nga dielli, digjen shpejt dhe shpesh përballen me shpërthime njollash të forta.

Fotodermatoza metabolike mund të shkaktohet edhe nga difektet në enzimat e nevojshme për reagimet kimike në organizëm.

Lloji më i përhapur i saj është porfiria (sëmundja e ndjeshmërisë së lartë nga dielli).

Intensiteti i kësaj sëmundje është i ndryshëm dhe mund të prekë sistemin nervor, lëkurën dhe organe të tjerë.

Nëse kjo sëmundje prek vetëm lëkurën, njollat, flluskat dhe skuqjet janë të pritshme.

Kjo sëmundje nuk kurohet, por ndryshimet në stilin e jetesës – mbrojtja nga dielli, shmangia e tij dhe alkolit- vijnë në ndihmë.

Nëse ndjeshmëria ndaj diellit është e vazhdueshme, u sugjerojmë të takoheni me një dermatolog që të diskutoni për kurën e mundshme.

Njerëzit preken edhe nga sëmundje të rralla që janë sfiduese, por mbrojtja e vazhdueshme nga dielli dhe trajtimet mjekësore, i bëjnë këto sëmundje më të përballueshme.

Të fundit

Whatsapp vendos tarifa! Zbulohen kategoritë që do detyrohen të paguajnë

Një nga aplikacionet më të përdorura të mesazheve në botë, WhatsApp, po kalon në një fazë të re që...

Mediat iraniane: Goditet me raketa selia qendrore e Mossadit

Raketat balistike iraniane kanë goditur selinë e Mossadit (agjencisë së inteligjencës izraelite) në Herzliya, pranë Tel Avivit. Mediat iraniane pretendojnë se raketat e lëshuara nga...

Mungoi në dasmën e të birit, mediat: George Soros organizoi një festë private

Miliarderi amerikan George Soros mungonte në dasmën luksoze të djalit të tij, Alex, i cili u martua me Huma Abedin, një ish-ndihmëse e ngushtë...

Louise Casey ka të drejtë: fëmijët duhen shpëtuar nga bandat e shfrytëzimit seksual

Polly Toynbee* Helmi depërton në çdo aspekt të tmerrit që lidhet me bandat e shfrytëzimit seksual. Çdo element i tij përdoret nga forca të ndryshme...

Deri më 15 shtator kufizohet qarkullimi i mjeteve në fundjavë dhe pushimet zyrtare

olicia e Shtetit ka marrë një plan masash për mbarëvajtjen e sezonit turistik. Për këtë arsye, nga 16 qershori e deri më 15 shtator, do...

Lajme të tjera

Web TV