Partia Socialiste po zhvillon sot një festë në Pallatin e Kongreseve për 32-vjetorin e themelimit të kësaj force politike të majtë.
Në këtë festë po marrin pjesë themelues dhe figura të rëndësishme që kanë lënë gjurmë në Partinë Socialiste.
Por ajo që është vënë re sapo ka nisur ceremonia është mungesa e ish-kryetarit të PS-së dhe ish-kryeministrit, Fatos Nano.
Nuk dihet se cila është arsyeja e mungesës së Nanos në këtë ceremoni të 32 vjetorit, ndërsa nuk ka pasur një reagim nga ky i fundit.
Kujtojmë se Fatos Nano ka drejtuar Partinë Socialiste për 14 vjet. Ai ka qenë kryetar i PS-së nga qershori i 1991-shit deri në korrik të 2005-ës.
