Ish-kryeministri Sali Berisha ka mbledhur Grupin Parlamentar në selinë e Partisë Demokratike, ku ka folur mbi takimin e anuluar mes dy qeverive asaj të Kosovës dhe Shqipërisë.
Berisha ka deklaruar se Rama e ka anuluar takimin me urdhër të Beogradit.
Ai akuzon se Rama dhe Vuçiç janë të lidhur me botën e krimit dhe synojnë ndarjen e Kosovës.
“Edi Rama anuloi takimin me Qeverinë e Kosovës, me urdhër të Beogradit. Partia Demokratike dënon me forcën më të madhe aktin hakmarrës dhe sherrmbjellës të Edi Ramës, mes vendeve tona.
Rama është dëshmuar haptas një argat i zellshëm i Aleksandër Vuçiçit. Loja për ndarjen e Kosovës, do të dështojë.
Edi Rama po sulmon përditë dhe në mënyrë të pandërprerë homologun e tij në Kosovë, sepse është në hall me McGonigal-in. Rama-Vuçiç janë të lidhur kokë e këmbë me 1 mijë fije me botën e krimit dhe të drogës, ata synojnë ndarjen e Kosovës.
Edi Rama dhe Aleksandër Vuçiç, po bëjnë gjithçka për mbijetesën e tyre. Kryeministrin shqiptar e tmerron dosja McGonigal”.
